Гуманитарлық-педагогикалық институтының «Қазақ тілі мен әдебиеті және журналистика» кафедрасының жанындағы «Журналист» үйірмесі мен ғылыми кітапхана қызметкерлерінің ұйымдастыруымен «Бір ел — бір кітап» акциясы аясында «Төлен Әбдіктің парасат әлемі» атты интеллектуалды сайыс өтті.
Білім алушылар төрт кезең бойынша бақ сынап, жазушы, драматург Т.Әбдіктің шығармашылық әлемі аясында дайындалған сұрақтарға жауап беріп, бейнетуындылар жасап, өздерінің интеллектуалдық қабілеттерін көрсетті.
Үйірме жетекшісі аға оқытушы Абдразақова Аякөз Қожамырзақызы білім алушыларға шығармашылық табыс тілеп, алғысын білдірді.
Шараға жазушының шығармашылығына арналған арнайы кітап көрмесі жасалды. Кітап көрмесінде жазушының адамгершілікке, ізгілікке толы «Парасат майданы» атты повесі таныстырылды.
Шараның мақсаты — кітап оқу деңгейін жоғарылату, кітап мәртебесін көтеру.
EN 
KK 
RU